विज्ञान आणि श्रद्धा यांची सांगड घालणारा चित्रपट जावई माझा नवसाचा

विज्ञान जिथे हात टेकतं तिथं श्रद्धेचा प्रवास सुरु होतो. हाच धागा पकडून निर्माते प्रकाश सुर्वे यांनी निर्माण केलेला जावई माझा नवसाचा हा चित्रपट १२ फेब्रुवारी पासून मुंबईत सर्वत्र प्रदर्शित होत आहे. भैरव फिल्मस प्रस्तुत या चित्रपटात दक्षिण कोकणची काशी समजली जाणारी व प्रति तुळजापूर म्हणून मान्यता पावलेली सुप्रसिद्ध आंगणेवाडीची भराडी देवी हिचे महात्म्य या चित्रपटात कथेच्या अनुषंगाने मांडण्यात आली आहे.
जावई माझा नवसाचा या चित्रपटाची कथा आहे एका खेळकर पण बौद्धिक वाढ खुंटलेल्या एकवीस बावीस वर्षाच्या तरूणीची. आपली मुलगी बरी व्हावी म्हणून तिचे आईवडील सर्व परीने उपचार करतात. पण त्याचा काही फायदा होत नाही. त्यानंतर तीच्या आयुष्यात जे उत्कंठावर्धक बदल घडतात ते या चित्रपटात पहायला मिळतील. स्त्री मनाचा ठाव घेणारी ही कथा एका सामाजिक विषयाला स्पर्श करणारी आहे.

ह्या चित्रपटातील मुख्य कलाकार तेजा देवकर, संतोष जुवेकर, उषा नाईक, ईला भाटे, उदय सबनीस, अभिजीत चव्हाण, लवराज कांबळी व इतर आहेत.